هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

تقدر تتجوز من غير الزفة والفرح ؟

اذهب الى الأسفل

تقدر تتجوز من غير الزفة والفرح ؟ Empty تقدر تتجوز من غير الزفة والفرح ؟

مُساهمة من طرف <::ROMIO::> الإثنين يناير 21, 2008 11:35 am

تقدر تتجوز من غير زفه وفرح؟

جاوب على السؤال وبعدين تعالى

انا عايش بقالى كتير ومش عارف مثلا ازاى اتنين هيتجوزو يجيبوا ورقه وكل واحد يكتب ايه اللى جابه فى الشقه

ليه ياجدعان ده احنا هنتجوز يقولك لازم عشان تضمن حقها
هوا انا هفتح قهوه عشان اعرف عندى كام كبايه وكام طبق
يقولك هوا كده ولو مش عاجبك عد السلالم وانت نازل


وطبعا بعد مالما تجيب الشقه اللى بمواصفات خاصه ترضى المدام وام المدام ونحط تحت ام المدام عشرين خط
لازم تلاجة اصفر كنارى وامضا من اتنين موظفين وختم النسر عليها انها اصفر كنارى

والمطلوب منك بقى فى الليله السعيده

تروح تجيب المدام من عند الكوافير-هتلاقى واحده شبه عروسه المولد-
وتوديها المصوراتى قال يعنى هيا مش عارفه السكه
والمصوراتى بقى انت اليوم ده التسليه بتاعته هينفخك لحد مايزبط الصوره التى تدل على السعاده الزوجيه التى تنتظرك

انا طبعا فوق طنشت فرش الشقه والستائر والحوارات دى انا سايبها لخيالك بس خللى بالك كويس عشان لو نسيت حاجه يبقى انت تنتظر ان تحرقك صاعقه من السماء

وبعد الاستديو تروح القاعه تقف بتاع ساعه فى الزفه اللى بره وكمان ساعه فى الزفه اللى جوه وطبعا مكياج العروسه ساح والعمليه وسعت
تخش سعادتك الساعه 10 عشان تقعد بقى شويه تستريح يستلمك بقى واد ظريف بتاع الدى جى يهريك رقص لحد الساعه 3 او 4

وشوف بقى المدام عايزه تروح تقعد فين بقى
وبعدين ابقى قابلنى لو لقيت مفتاح الشقه

لا ولسه فى ضيوف هيجولك الصبح يباركوا بقى من الساعة ستة الصبح وهيبقى فى حوارات لزجه من اللى بالك فيها وعتاب طبعا من حماتك ازاى امبارح سبتها ورقصت مع مش عارف مين ونيني عنيك اليمين مش كان مظبوط اية مش عاجبك الجوازة ولا اية ؟؟

تعالى كده قول ياجماعه انا هعمل حاجه ع الضيق كده عشان الاهل والصحاب المقربين اوى يبقى انت اكيد كائن فضائى من كوكب تانى

يعجبنى فى الاجانب عدم اهتمامهم بالمظاهر كل واحد على راحته خصوصا فى المناسبات


عايز اعرف رأيكم
<::ROMIO::>
<::ROMIO::>
SITE OWNER
SITE OWNER

ذكر
عدد الرسائل : 372
العمر : 34
البلد : مصر
تاريخ التسجيل : 26/06/2007

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى